Այս դասընթացը նվիրված է ժամանակակից պատումին տարբեր մեդիա հարթակներում։ 

Դասընթացի մասնակիցները կուսումնասիրեն պատմություն ստեղծելու տեխնիկաները, թվային տեխնոլոգիաների ազդեցությունը և հաջողակ բովանդակություն ստեղծողների կիրառած ռազմավարությունները՝ լսարան ներգրավելու և գրավելու համար։

Տեսական գիտելիքների և գործնական առաջադրանքների համադրության միջոցով մասնակիցների մոտ կձևավորվեն պատումի հիմունքների վերաբերյալ պատկերացումներ, և նրանք կկարողանան խորությամբ ըմբռնել տարբեր մեդիա համատեքստերում դրանց կիրառման առանձնահատկությունները։

Այս դասընթացը նախատեսված է ՝

• հեղինակների և լրագրողների,
• սոցիալական մեդիայի մենեջերների և բովանդակություն ստեղծողների
• մարքեթինգի և հաղորդակցության մասնագետների համար։

Այս դասընթացը առաջարկում է թվային մեդիայի արտադրության համապարփակ ուսումնասիրություն՝ ներառյալ տեսանյութի և լուսանկարչության ոլորտները։ Ուսանողները կստանան գործնական փորձառություն ժամանակակից արտադրական գործիքների և տեխնիկայի հետ աշխատելիս՝ սովորելով, թե ինչպես ստեղծել բարձր որակի բովանդակություն տարբեր թվային հարթակների համար։ Դասընթացը ներառում է արտադրության ամբողջ գործընթացը՝ գաղափարի ձևավորումից և նկարահանումից մինչև մոնտաժ և տարածում։

Այս դասընթացը նախատեսված է՝

• Թվային մեդիայի ապագա արտադրողների,

• Բովանդակություն ստեղծողների և ինֆլուենսերների,

• Մարքեթինգի և գովազդի ոլորտի մասնագետների,

• Մուլտիմեդիա դիզայներների և լուսանկարիչների համար։

Դասընթացի մասնակիցները կուսումնասիրեն լուսանկարչական տեխնիկաները, կոմպոզիցիայի սկզբունքները և լույսի օգտագործման հնարավորությունները՝ ազդեցիկ պատկերներ ստեղծելու համար։ Տեսական գիտելիքների և գործնական առաջադրանքների միջոցով մասնակիցները կզարգացնեն իրենց վիզուալ մտածողությունը և կսովորեն գրավիչ պատմություններ պատմել պատկերների միջոցով։

Լուսանկարչությունն իրենց աշխատանքի ընթացքում կիրառող մասնակիցները հնարավորություն կունենան դասընթացի շրջանակում ձեռք բերված հմտությունների ու տեսությունների կիրառմամբ բարելավել իրենց վիզուալ ընկալումները, տարբերակել ժանրային լուսանկարները, անհրաժեշտության դեպքում կիրառել նոր գործիքակազմը։

Այս դասընթացը նախատեսված է՝

• սկսնակ լուսանկարիչների համար, որենք ցանկանում են բարելավել հմտությունները,
• սոցիալական մեդիայի բովանդակություն ստեղծողների համար,
• մարքեթինգի և հանրային կապերի մասնագետների համար,
• լրագրողների և այն հեղինակների համար, որոնք ցանկանում են բարելավել վիզուալ պատումի հմտությունները,
• բոլոր նրանց համար, ովքեր պարզապես հետաքրքրված են լուսանկարչությամբ:

Այս դասընթացը նվիրված է թվային բովանդակության արդյունավետ ստեղծման ժամանակակից գործիքներին և մեթոդներին: Այն ներառում է Canva-ի և արհեստական բանականության (ԱԲ) գործիքների օգտագործումը՝ գրավիչ և ազդեցիկ բովանդակություն ստեղծելու համար:

Դասընթացի մասնակիցները կծանոթանան թվային բովանդակության հիմնական տեսակներին, կուսումնասիրեն Canva-ի հնարավորությունները վիզուալ նյութեր պատրաստելու համար և կբացահայտեն, թե ինչպես ԱԲ-ն կարող է հեղափոխել բովանդակության ստեղծման գործընթացը: Հատուկ ուշադրություն կդարձվի նաև ստեղծված բովանդակության արդյունավետ առաջխաղացմանը:

Տեսական գիտելիքների և գործնական վարժությունների համադրության միջոցով մասնակիցները ձեռք կբերեն ժամանակակից թվային միջավայրում մրցունակ բովանդակության ստեղծման հմտություններ: Նրանք կսովորեն վերլուծել թիրախային լսարանը, ստեղծել մասնագիտական որակի վիզուալներ Canva-ի միջոցով և կիրառել ԱԲ գործիքներ՝ իրենց աշխատանքի արդյունավետությունը բարձրացնելու համար:

Այս դասընթացը նախատեսված է՝

• թվային բովանդակության ստեղծողների,

• մարքեթինգի և հաղորդակցության մասնագետների,

• սոցիալական մեդիայի մենեջերների,

• կրթական ոլորտի աշխատողների,

• ֆրիլանսերների և փոքր բիզնեսի սեփականատերերի համար: